تصویر

ایک صاحب اپنے دوست کی تصویر لے کر گرافکس ڈزائنر کے پاس گئے اور کہنے لگے میرے دوست نے یہ تصویر ٹوپی پہن کر کھنچوائی تھی جبکہ میں نے کہا تھا کہ بغیر ٹوپی کے کھنچوانا۔ کیا آپ کسی طرح سے یہ ٹوپی ہٹا سکتے ہیں؟
گرافکس ڈزائنر ادب سے بولا جی ہاں جناب ! لیکن یہ بتائیے کہ آپ کا دوست الٹی مانگ نکالتے ہیں یا سیدھی؟
ان صاحب نے ایک لمحے کو سوچا پھر معصومیت سے بولے جب آپ ٹوپی اتاریں گے تو خود ہی پتا چل جائے گا۔

پیر صاحب

ایک شخص پیر صاحب کی خدمت میں حاضر ہوا اور دل و جان سے ان کی خدمت کرنے لگا۔
جب کئی سال گزر گئے تو ایک دن پیر صاحب نے پوچھا کہ اتنے عرصہ تم میری خدمت کرتے رہے ہو آج تک تم نے کچھ نہیں مانگا، بولو کیا چاہتے ہو۔
مرید نے کہا سرکار کچھ نہیں چاہئے بس میری شلوار پھٹ گئی ہے اگر نئی شلوار عطا ہو جائے تو مہربانی ہو گی۔
پیر صاحب نے کہا جاﺅ اسٹور میں نئی شلوار رکھی ہے لے لو۔
مرید خوشی خوشی گیا اور واپس آ کر کہنے لگا سرکار یہ تو پھٹی ہوئی ہے!
پیر صاحب بولے ہاں تو کیا ہوا نیفہ سلامت ہے اگلا پچھلا لگوا لینا۔

کارٹون

کارٹون

بزرگ

ایک بزرگ آدمی خون کا عطیہ دینے اسپتال پہنچے اور ڈاکٹر سے کہنے لگے ڈاکٹر صاحب میرا خون لیجئے۔ ڈاکٹر نے کہا بزرگوار ! آپ کافی بوڑھے ہو آپ کا خون نہیں لیا جا سکتا۔
مگر بزرگ آدمی منت سماجت کرنے لگے اور بضد رہے کہ میں خون ضرور دونگا۔ بالاآخر ڈاکٹر نے کہا اچھا بھئی بزرگو ! بیڈ پر لیٹ جاﺅ۔
خون کی بوتل جونہی آدھی ہوئی بزرگ دیکھ کر بےہوش ہو گئے۔ ہوش میں آنے کے بعد بولے ارے کم بختوں! بس بھی کرو کیا سارا خون نکال لو گے۔
ڈاکٹر نے کہا بزرگو ! آپ کو پانچ بوتل خون لگا چکے ہیں چھٹی بوتل لگانے پر آپ کو ہوش آیا ہے۔

کنجوس

ایک کنجوس آدمی نے اپنے بچوں سے کہا جو رات کا کھانا نہیں کھائے گا اس کو میں ایک روپیہ دونگا۔ سب بچے ایک روپے کی خاطر بھوکے سو گئے۔ صبح ناشتے کے وقت اس نے سب بچوں کو ایک ایک روپیہ دیا اور پھر بولا ناشتہ اس کو ملے گا جو ایک روپیہ واپس کرے گا۔

معاوضہ

ہیرو : تمہیں فلم میں کتوں کے ساتھ لڑائی کا کوئی معاوضہ ملا ہے؟
ایکسٹرا اداکار : ( افسردہ لہجے میں) چودہ ٹیکے اور وہ بھی پیٹ میں۔

تقریر

لندن میں ایک جلسے میں تقریر کے بعد پرویز مشرف نے اپنے سیکریٹری کو ڈانٹتے ہوئے کہا کہ میں نے تمہیں پندرہ منٹ کی تقریر کا کہا تھا تم نے گھنٹے کی تقریر لکھ دی ۔
سیکریٹری : جناب میں نے تقریر پندرہ منٹ کی لکھی تھی آپ تقریر کی چار فوٹو کاپیاں لے گئے تھے۔

میراثی

ایک میراثی کی گدھی بیمار ہو گئی وہ اسے لے کر ڈنگر ڈاکٹر کے پاس گیا۔ گدھی نے ڈاکٹر کے ہاتھ کو چاٹنا شروع کر دیا تو میراثی زور زور سے ہنسنے لگا ۔
تم کیوں ہنس رہے ہو ؟ ڈاکٹر نے سنجیدگی سے پوچھا
حضور، یہ آپ کو اپنا بچہ سمجھ رہی ہے۔ میراثی نے جواب دیا۔

بیوی

میجر کی بیوی پہلی بار میجر کے ساتھ رہنے کے لئے گئی ۔ میجر کو صبح ساڑھے تین بجے ڈیوٹی پر جانا تھا ۔ وہ بیوی کو سوتا چھوڑ کر چلا گیا۔ تھوڑی دیر بعد میجر کا اردلی آیا اور میجر کی بیوی کو جگا کر بولا اب تم چلی جاﺅ میجر صاحب صبح تک کسی لڑکی کو یہاں رہنے نہیں دیتے۔